ملخص اجتماع أرض المغازي.. إيه اللي حصل؟
الموضوع باختصار إننا قدام وجهات نظر مختلفة، بس الهدف واحد وهو مصلحة الناس:
فريق بيقول: “إحنا دافعين تمن الأرض قبل كده وده حقنا، ومش هندفع مليم زيادة.” (وده رأي الأغلبية).
فريق بيقول: “عايزين نخلص ونقنن أوضاعنا عشان نعرف نبني لعيالنا بدل السكن بالإيجار.”
ماتم الإتفاق عليه في الاجتماع؟
عشان نضمن حق الناس، النائب جمال الفار أكد إننا هنمشي في سكتين مع بعض:
السكة الأولى: القضاء (مجلس الدولة)
1 – هيتم توكيل محامي خبير متخصص في فض النزاعات دي.
المهمة لرفع قضية في مجلس الدولة للمطالبة ببطلان الحكم ده من أساسه.
2 – السكة الثانية: الحكومة (البرلمان)
النائب هيقدم “طلب إحاطة” عاجل لكل المسؤولين (وزير العدل، وزير التنمية المحلية، والهيئة القابضة).
مش بس كده، هيتم إدخال كل “الأراضي المتضررة” في المنطقة ضمن الملف عشان الكل ياخد حقه وماحدش يتظلم.
